|
|
Puntland(Berberatoday.com)-Madaxwaynaha Dawlada Puntland Mudane C/wali Maxamed Cali Gaas ayaa maanta kulan uu saxaafada isugu yeeray uga hadlay abaaraha ka jira deegaanada Puntland iyo Samaynta ay ku yeesheen deegaanada.
C/Wali Maxamed Cali Gaas ayaa sidoo kale maanta baaq u diray hay,adaha samafalka ee ka hawlgala gudaha deegaanada Puntland wuxuuna ugu baaqay inay ka qayb qaataan gurmadka iyo caawinta dadka abaaraha ay waxyeeleeyeen.
Madaxweyne C/wali Maxamed Cali ayaa baaq kaas lamid ah u diray dhamaan dadka qurbaha jooga isagoo ugu baaqay inay ka qayb qaataan caawinta dadka ugu dhimanaya haraadka miyiga deegaanada Puntland.
Madaxweynaha dawlada Puntland ayaa horay ugu dhawaqaatay gudi ka shaqayn doona taakulantada dadka abaaruhu waxyeeleeyeen kuwaas oo madaxwayne ku xigeenka Puntland uu gudoomiye u yahay.
Berberatoday.com