|
|
London(Berberatoday.com)-Xiddigii hore ee qadka dhexe naadiga Arsenal Alexander Hleb ayaa ka dhawaajiyay inuu ka qoomameynayo inuu ka tagay Gunners kuna biiray Barcelona.
Hleb ayaa u saftay Arsenal 130-kulan saddex sano uu ku sugnaa Emirates Stadium wuxuuna u dhaliyay 11-gool.
Laakiin laacibkii hore ee xulka Belarus ayaa ka tagay Arsenal isagoona 12-milyan oo bound ugu dhaqaaqay gegada Camp Nou ee kooxda Barcelona.
Hasayeeshee, Marna mala uusan qabsan Barca wuxuuna iminka ka qoomameynayaa go’aankii uu ugu soo dhaqaaqay Spain.
“Heerkeyga ciyaareed ee ugu sarreeyay ayaan ku ciyaarayay London waxayna ahayd waqtigeygii ugu fiicnaa waayaheyga ciyaareed,” Hleb ayaa sidaa u sheegay wakaalada wararka ee Reutres.
“Sanadkeygii ugu horreeyay waxaan gaarnay final ka Champions League. Waan guul darreysannay, laakiin waan xusuustaa finalkan in ka badan markii aan Barcelona kula guuleystay 2009-kii, laakiin ma aan ciyaarin.
“Arsene Wenger wuxuu ii ahaa sida aabe oo kale wuuna I aaminay. Waan muragooday markii aan bilaabay inaan ka fikiro midan.
“Dhanka kale, Barcelona waxay ahayd oo ay welina tahay kooxda ugu xooga badan. Inbadan ma ciyaarin, laakiin weli waxaan helayay waqti kulanka ah.
Laacibka oo ka hadlay kooxda Arsenal ee waqtigan ayaa misane yiri:
“Waxaan rajeynayaa in kooxdu ku guuleysan doonto saddex koob kal ciyaareedkan Premier League, FA Cup iyo Champions League.
“Kooxda Arsenal ee waqtigan waxay leedahay awoodaa, dhab ahaanna waan taageeri doonaa iyaga.”.
https://www.youtube.com/watch?v=f03riABL6yQ
Berberatoday.net