|
|
Ceel-afweyn(Aftahannews):- Masuuliyiinta Maamulka iyo Ciidanka Booliska ee degmada Ceel-afweyn oo ka tirsan gobolka Sanaag ee Somaliland, ayaa Saxaafadda loogu soo bandhigay Ruuxii ugu horreeyey ee deegaannada Somaliland wax ku noqda qabashada Taleefankiisa gacanta ee Mobile-ka oo uu qabtay ka dib markii Lambar dibedeed laga soo wacay sida uu isagu sheegay.
Inkasta oo tan iyo toddobaadkii u dambeeyey Baraha Bulshadu ku kulanto iyo goobaha la isugu yimaaddaba aad loogu hadal-hayey in Taleefan dadka laga soo wacayo, gaar ahaan Whats up-ka, IMO-da iyo Taleefanno toos ahba, isla markaana ay jiraan dad ku dhintay sida Baraha Bulshada qaarkood la soo dhigay, iyadoo digniino ay Soomaalidu isu marinaysay Baraha Bulshada, balse cid si rasmi ah u xaqiijinaysa dhibaatada ka dhalanaysa iyo jiritaanka waxaas aan lahaynin marka laga yimaaddo hadal-haynta.
Hase-yeeshee, Dhacdadan Wiilka Ceel-afweyn lagu soo bandhigay oo aan caddaymo badan oo dhaafsan qofka waxani ku dheceen oo baadhitaan ah aan loo haynin, haddana waxa uu Weriye Cabdiqani Gadari oo ku sugan magaalada Ceel-afweyn oo uu shaqo u joogo, kana tirsan TV-ga dowladda Somaliland ee SLNTV, ayaa War ka soo diyaariyey Wiilkaas iyo Taliyaha qaybta Booliska ee Ceel-afweyn oo sheegay inuu wax ka weydiiyey Wiilkaas waxa ku dhacay, baadhitaan koobanna ku sameeyey.
Waxaannu Warbixintaas iyo Hadallada Wiilka sheegay in Taleefan loo soo diray oo uu qabtay laga raacay, isla markaana isaga oo Gacmuhu gariirayaan Saxaafadda loo soo bandhigay, marka horena la sheegay inuu Koomo galay, waxaannu idiinku soo gudbinaynaa Muuqaalkan Hoose ee Daawasho wacan oo wanaagsan:-
Berberatoday.com