Hargeysa(Berberatoday.com)-Angelina Bella Devyatkina oo loo yaqaano Bella waa gabadh yar oo 4-jir ah oo u dhalatay waddanka Ruushka taasi oo adduunka ka yaabisay kadib markii la xaqiijiyey in ay ku hadli karto ugu yaraan 7 luuqadood, kuwaasi oo kala ah Ingiriisi, Jarmal, Spanish, Faransiis, Chinese iyo ugu dambayn luuqadda Carabiga.
Bella ayaa marrkii ugu horraysay ka soo muuqatay barnaamij lagu soo ban dhigo hibooyinka dadka gaar ahaan hobooyinka caruurta oo uu baahiyo telefishan ka dhisan dalkaasi Ruushku, waxaana markiiba warbaahinta adduunku si weyn uga faallootay hibadaasi layaabka leh ee ay ilmahan yari leedahay waxaana muuqaalka barnaamijkaasi oo ay gabadhan yari ku hadlayso lagu baahiyey warbaahinta adduunka.
Illaa imika faahfaahin rasmi ah lagama bixin qaabka layaabka leh ee ay inantan yar ugu suurto gashay in ay ku hadli karto dhammaan 7 daasi luuqadood.