Hargeysa(Berberatoday.com)-Laba nin oo u dhashay Britain iyo Jarmalka oo sheegay inay socdaal dheer ku marayaan xagga dhulka iyagoo ku safraaya laba mooto ayaa gaadhay magaalada Hargeysa. Waxay safar dhulka ah ku marayaan Min Magaallooyinka Dubai ee dalka Imaaraadka carabta illaa Magaallada CapeTown ee wadanka Koofur Afrika.

Mike Anthony iyo Alex Richter oo markii ay magaallada Hargeysa ee dalkani Somaliland soo gaadheen u warramay Weriyaha Laanta afsoomaaliga ee BBC-da Axmed Siciid Cige ayaa sheegay in ay socdaalkooda kasoo bilaabeen Magaallada Dubai Bishan aynu ku jirno ee October 5teeddii, iyagaoo soo maray   magaalooyinka Masqat iyo Salalah ee dalka Cummaan, ka dibna   badda cas markab kaga soo gudbeen oo Berbera yimaadeen 20 Oktoobar 2016.  Waxay sheegeen inay u gudbayaan dalka Ethiopia, halkaas ka dibna ay dalal badan oo Afrika ku yaalla sii dhex jibaaxayaan ilaa ay ka gaadhayaan dalka Koonfur Afrika, magaalada Cape Town. Labada mooto ee ay wataan labada nin ayaa ah mootooyinka dheereey . faah-faahin kale kama aysan bixin socdaalkooda, laakiinse dad badan oo reer Hargeysa ah ayaa daawasho ugu tegey.

Berberatoday.com