“Caruurteyda Ayay Igu Hor Dileen, Waxay I Xasuusiyeen Beesha Aan Ka Soo Jeedo..”Aabbo Cismaan Cumar
October 25, 2016 - Written by Berbera Today
Gaalkacyo(Berberatoday.com)-Dagaallada u dhexeeya Maamullada Puntlnad iyo Galmudug oo toddobaadyadii u dambeeyey ka socday magaalada Gaalkacyo ee xarunta gobolka Mudug, ayaa ay sii kordhayaan dhibaatooyinka iyo tacaddiyada ula-kaca ah ee loo geysanayo dadka Shacabka ah ee aan waxba galabsan, balse wax u eeg isir-gumaad lagula kacayo, sida uu Saxaafadda deegaankaas u sheegay Cismaan Cumar oo ah Aabbo da’weyn oo sheegay in laba Carruur ah oo uu dhalay hortiisa si badheedh ah loogu dilay.
Aabbo Cismaan Cumar oo ka mid ah dadka dega Galbeedka magaalada Gaalkacyo, ayaa sheegay in Ciidammada Puntland ay aqalkiisa ugu soo galeen muran dheer kadibna ay dileen laba Wiil oo uu dhalay, sida lagu baahiyey Shabakadaha Wararka Internet-ka ee Soomaalida oo aannu Warkan ka soo xigannay.