Axmed Sakaar oo goor dhaweyd lasoo xidhiidhay Warbaahinta Madaxbanaan ayaa sheegay inuu warka waaranka soo qabashada ah ka helay ilo ku dhawdhaw Maxkamada racfaanka iyo Ciidamada Booliska burco kuwaas oo uxaqiijiyay in Waaran soo qabasho ah loo jaray lana doondoonayo.

Wariye Axmed Sakaaro ayaa mudadii 30ka maalmood ahayd ee uu hore uxidhnaa aan marba Saldhigayada burco ee booliska loo kala wareejinaayay iyada oo qaabka markaas hore loo xidhayna ahaa qaab sharciga iyo qeynuunka baalmarsan iyada oo horena aan waaran maxkamadeed loogu jarin.

Xadhigan wariyahan ee soo noqnoqday ayaa waxa dabada ka riixaya Wasiirada Madaxtooyada iyo hawlaha Guud ee Somaliland iyaga oo wariyahan ku haysta sidaad Xukumada wax uga sheegtaa maadama oo aad kasoo jeedo Beesha Madaxweyne Axmed Siilanyo iyaga oo ku cabiidinaya wariyahan inuu Muxaafid unoqdo Xukumada oo uu indhaha ka qarsado maamulkeeda Gurcan iyo dhaliilaha muuqda ee wariyuhu umadax bananyahay inuu sheego.

Wasiirada Madaxtooyada Iyo Hawlaha Guud ayaa adeegsanaya Xeer Ilaaliyaha Guud ee Qaranka Axmed Xasan Aadan Oo Isagu  amarka soo qabashada Wariyahan geedkuu galaba kadaba galaya isaga oo adeegsanaya Ciidamada Booliska Burco iyo Maxkamada racfaanka Burco iyaga oo maalintii hore ee lasiidaayayba xeer ilaalinta gobolka Togdheer diiday siidayntiisa dalbatayna Racfaan hoose oo xadhig ahaan loogu sii hayo xabsiga.

Kala Soco Shabakada Berberatoday.com wixii warar kasoo kordha waaranka Maxkamada racfaanka Burco ujrtay Gudoomiye Kuxigeenka Ururka suxufiyiinta Somaliland ee SECJA Axmed Muuse Maxamed(Sakaaro)

Berberatoday.com