Cabdiraxmaan Saylici ayaa sheegay inuu Muuse Biixi yahay Mujaahid dalka u soo halgamay cidna aanay ka dafiri karin, isaguna uu yahay Mujaahid dimuqraadiyadeed oo xisbigii uu siyaasadda ka bilaabay wali ku jira.

Madaxwayne kuxigeenka oo ka hadlayaya ayaa waxa uu yidhi:

“waxaa xisbigan jooga oo aanu dadka dheer nahay laba mujaahid ayaa isugu yimi, mujaahidkii halganka iyo mujaahidkii dimuqraadiyadda, Muuse Biixi waa mujaahidkii halganka cid kala masuugaysaa ma jirto anigoo Cabdiraxmaan ahi waxaan ahay mujaahidkii dimuqraadiyadda, waxaan ahay ninka xisbigii uu la bilaabay la dhamaystay ee la jooga ee sida siyaasiyiinta guur guura aanan guur-guurin, markaa laba mujaahid ayaa isugu yimi ee ha u daymo la’aanina”.

Geesta kale Cabdiraxmaan Saylici ayaa sheegay inuu xisbigiisu dhisi doono dawlad loo dhan yahay haddii uu guulaysto isla markaana ay cadaalad samayn doonaan, waxaana uu yidhi:
“waxaanu diyaar u nahay inaanu dhisno qaran loo siman yahay, umaddu u siman tahay gobolada Somaliland u siman yihiin”.

Berberatoday.com