|
|
Bosaso(Berberatoday.com)-Wararka ka imaanaya Degmada Qandala oo ka tirsan Gobolka Bari, ayaa waxa ay sheegayaan in Maraakiib dagaal ay ku dhawaadeen Magaaladaasi oo sida la sheegaayo ay ku sugan yihiin Xoogaga Daacish. 
Magaalada Qandala waxaa ku sugan ururka Daacish oo dhowaan halkaasi la wareegay, waxaana halkaasi ka barakacay dadkii ugu badnaa.
Magaalada Boosaaso ayaa waxaa shalay gelinkii dambe laga dejiyay Dooman ay saaran yihiin dad aad u fara badan, kuwaas oo ka soo barakacay Magaalada Qandala.
Gudoomiyaha Degmada Qandala ayaa sheegay in cabsi badan ay ka jirto Degmada Qandala, maadaama ay xeebta Qandala ku soo dhawaadeen Maraakiib ay wataan Ciidamada NATO ee ku sugan xeebaha Soomaaliya.
Wuxuu sheegay Maamulka Puntland in uu wado dadaalo dib ay ugula wareegayaan Degmada Qandala ee Gobolka Bari, oo hada ay gacanta ku hayaan kooxda Daacish.
“Aniga Boosaaso ayaa ku suganahay, wali deegaanka waxaa joogay kooxihii Daacish iyo dad aan badneyn, qoysas badan ayaa ka soo barakacay oo Boosaaso iyo meelo kale gaaray”ayuu yiri Guddoomiyaha Qandala.
Berberatoday.com