|
berberatoday.com
Daawo Muuqalka”Xildhibaan Ka Tirsan Xisbiga Kulmiye Oo Sheegay In Aanu Xisbigu Guuleysaneyn Sanadkan Isla Markaana Aanu Taageero Ka Haysanin Deegankiisa
November 2, 2016 - Written by Berbera TodayHargeysa(Berberatoday.com)-Xildhibaan Maxamed Cismaan Bulqaas oo ka mid ah mudanayaasha golaha wakiilada isla markaana laga soo doortey gobalka Sanaag ayaa waxaa uu si adag uga hadley safarka uu madaxweyne ku xigeenka Somaliland ugu baxay gobalada bariga oo uu sheegay in aanu safarkaasi la xidhiidhin abaaraha xoogan ee ka jira deeganadaasi balse uu yahay safar qiiq isku qarin ah .
Sidoo Kale waxaa uu sheegay xildhibaanku in xisbiga Kulmiye hadii uu sidan ku sii socdo aanu mar labaad ku guuleysan doonin talada dalka . “Abaar xoogan baa gobalada bariga ka jirta wax xoog ahna xukuumadu kamay qaban oo meelahan soke ayey ku meeraysaneysaa , ciiro isku qarin baan u haystaa iyo in ay ka bas tahay xukuumada , bariga oo dhan JPLG kama jiro Burco mooyaane , madaxweyne ku xigeen hadii sida aad u shaqeynaysid wax ka bedeli weydo ma soo baxeysid xisbiga Kulmiye na sooma bixi doono ” ayuu yidhi xildhibaanku Dhinca kale xildhibaanka ayaa waxaa uu sheegay in deeganada uu ka soo jeedo iyo beeshiisu aanay raali ka aheyn xisbiga Kulmiye waxaana uu yidhi “Xisbigii Kulmiye beesha aan ka soo jeedo raali kama aha kumana qanacsana sida ay wax u socdaan iyo ka mid ahaan shahaha xisbiga Kulmiye ” ayuu yidhi xildhibaanku Halkan Hoose Ka Daawo Muuqaalka Warkan
COMMENTS
|
||||
|
|
|||||
