Mid Ka Mid Ah Madaxweynayaasha Maamulada Dalka Somaliya Oo Ku Dhawaaqey In Uu Yahay Musharax Madaxweynaha Dawlada Federaalka

November 5, 2016 - Written by Berbera Today

Moqdisho(Berberatoday.com)-Madaxweynaha maamul goboleedka Koofurgalbeed Soomaaliya Shariif

Xasan Sheekh Aadan ayaa si rasmi ah ugu dhowaaqay inuu yahay musharaxa madaxweynaha Soomaaliya.

Shariif Xasan Sheekh Aadan ayaa maanta hortagay baarlamaanka Maamul goboleedka Koonfur Galeeb waxana uu ka codsaday in ay ugolaadaan in uu isu soo taago xilka madaxtinimada dalka Soomaaliya.

Cod ay u qaadeen xildhibaanada baarlamaanka Koofurgalbeed ayaa waxa ay si aqlabiyad leh ugu oggolaadeen in uu Shariif Xasan u tartami karo Madaxweynaha Jamhuuriyada Federalka Soomaaliya.

Bilihii la soo dhaafay ayaa waxaa soo baxayay warar sheegayay in uu doonayo Shariif Xasan oo hore guddoomiye baarlamaan uga soo noqday dalka Soomaaliya inuu doonayo in uu u tartamo xilka Madaxweynaha Soomaaliya.

Ku dhowaaqista musharaxnimada Shariif Xasan ayaa ku soo beegmaysa labo maalin kadib markii uu ka soo laabtay wadanka Isutagga Imaaradka Carabta halkaa oo ay madaxda maamul goboleedyada dalka ay kulamo kula soo yeesheen madaxda wadanka Isutagga Imaaraadka Carabta.