“ Waxaan ku xidhanahay Xabsiga Dhexe ee Burco ,waxaana laygu xidhay Maxaad Beeshaada Cimraan Xisbiga Xisbiga Waddani u gaysay ,isla markaana Xisbiga Kulmiye uga saarteen ,arintaasina waa sharcidaro ,waayo anigu Beeshayda Kulmiye kamaan saarin ee iyagaa ka tashaday oo ka baxay oo Waddani tagay ,aniguna halka ay beeshu marto ayaan ku qasbanahay,reerkuna Go’aankiisa uu Xisbigaasi Waddani ku tagay ka noqon-maayo “ Sidaasi ayuu Ugaasu yidhi ,waxaanu intaasi ku daray isagoo sababaynaaya cida ka danbeysa xadhigiisa .

“ Xadhigayga waxa soo amray Safiirka Somaliland ee Imaaraadka Carabta Baashe Mooran iyo Gudoomiyaha Xisbiga Kulmiye Muuse Biixi Cabdi ,arintaasina waxay cadaynaysaa in Kulmiye Durbaba bilaabay Askarinimadii iyo Kaligii talisnimadii ,waxaanan leeyahay dadku Askari shicibka qasba aaminimaayaan ,shicibkuna halka ay ku biirayaan ee ay mustaqbalkooda ku aaminayaan waa u xor ,aniguna sharcidaro ayaan ku xiranahay “ Sidaasi ayuu Ugaas Cabdiraxmaan hadalkiisa kaga baxay..

Ugaaskan Xukuumadu Xabsiga Burco u taxaabtay ayaa ka mid ah Haldoorka Beesha Maxamed Sh: Isaxaaq ee gobolka Togdheer ,waxaanu ka mid ahaa Odayaashii horkacaayay Beeshan markii ay Xisbiga Waddani u digarogteen.
Maaha markii u horeysay ee Xukuumadda Kulmiye Xabsiga u taxaabaan Madaxdhaqameed Beeshiisu ku biirto Xisbi Mucaarid ah Somaliland ,laakiin taasi xiliyado badan ayay dhacday ,waxaaney ka mid tahay tacadiyadda Shicibka loo gaysto ee Kulmiye lagu xasuusto.

Hoos ka daawo xafladii beel weynta Cimraan ee saska ku riday xisbiga Kulmiye

Berberatoday.com