Guusha Trump ayaa loo arkaa mid taariikhi ah waxa ayna ka fajicisay dad badan oo filayay in Hillary Clinton ay ka guuleysan doonto maadaama uu ku cusub yahay siyaasadda isla markaana lagu bartay hadallo qallafsan oo ka cadheysiiyay dad badan oo Mareykan ah.

Trump ayaa ku guuleystay codbixinta gobollada muhiimka ah ee sida Florida, Ohio, North Carolina iyo Iowa.

Waxa uu sidoo kale codad badan ka helay gobollada kale ee Pennsylvania, Michigan iyo Wisconsin.

Taageerayaasha Trump ayaa dabbaaldegyo ka dhigayay qaybo badan oo ka tirsan dalka Mareykanka halka xarunta ololaha doorashada ee Clinton ay murugo ka muuqatay.

Xisbiga jamhuuriga ayaa sidoo kale ku guuleystay inta badan kuraasta aqalka wakiilada iyo kan sare ee “senetka”.

Madaxweynaha la doortay ee mareykanka Donald Trump ayaa ku dhashay kuna soo barbaaray magaalada New York.

Waa wiilkii afaraad ee qoyska aabihii oo ahaa maal qabeen ka guryaha dhista.

Inkastoo ganacsiga Trump uu ballaadhtay, haddana waxaa jirtay in mararka qaar uu musallifay.

Trump ayaa dhawr jeer ballan qaaday in uu darbi ku kala xidhi doono xudduudda Mareykanka iyo Mexico isla markaana uu Muslimiinta ka mamnuuci doono in ay galaan Mareykanka.

Source BBC