|
|
Muqdisho(Berberatoday.com)-Siyaasiyiinta, Salaadiinta, iyo waxgaradka ku sugan Magaalada Muqdisho ayaa ku dhawaaqay inay ka qeyb galayaan doorashada dadban ee dalka Soomaaliya ka dhaceysa, kaddib markii ay dhowaan qaadaceen.
Shir jaraa’id oo ay si wada-jir Shalay galinkii dambe ugu qabteen magaalada Muqdisho ayay kaga hadleen kulamo labadii maalmood ee la soo dhaafay uga socday magaalada Muqdisho, waxayna ka soo saareen dhawr qodob.
Siyaasiyiinta iyo salaadiinta kasoo jeeda Somaliland ee u shaqo tagay dalka Soomaaliya ayaa sheegay inay tixgelinayaan heshiiskii Madasha Wada-tashiga qaran ee lagu gaadhay magaalada Kismaayo iyo marxalada kala guurka ee uu dalka Soomaaliya ku jiro.
Waxaa ay ugu baaqeen Guddiga doorashooyinka inay dadejiyaan doorashada labada aqal ee ka imaanaya Gobolada Waqooyi.
Dhawaan ayay aheyd markii war-saxaafadeed ka soo baxay xafiiska Guddoomiyaha Baarlamaanka Soomaaliya lagu sheegay in xal laga gaadhay cabashadii ka timid Siyaasiyiinta Maqaar saarka ah ee Matalaya Somaliland.
HALKAN HOOSE KA DAAWO WARSAXAAFADEEDKA AY SOO SAAREEN SIYAASIYIINTAASI.
Berberatoday.com