Kulankan qadadda Ah oo ka Dhacey Hotel Maansoor ee Berbera ayaa waxa kasoo qayb galey Dhamaan Masuliyiinta iyo Xubno kamida Tageerayaasha Xisbiga Kulmiye ee Gobolka Saaxil, Xildhibaano katirsan Golaha Degaanka Berbera Iyo Xoghayaha Maamulka Dawlada Hoose ee Berbera.

Kulankan qadadda ee Mayarka Degmada Berbera Mudane cabdishakuur Maxamud Xasan(Cidin) uu u Sameeyey Saxiibadan Siyaasada Kulmiye ku kale Irdhoobey Waa Muuse Biixi Cabdi iyo Cabdicasiis Maxamed Samaale Ayaa Siweyn u Ruxey Quluubta Shacabka ku dhaqan magaalada Berbera oo siweyn uga Dhirsugayey Safarka Labadan Masuul ay ku Imanayaan Magaalada berbera Ee Xarunta Gobolka Saaxil.

Labadan Masuul oo Hore Xisbiga Kulmiye ugu Loolamey Murashaxnimadiisa ayaa Kamid ahaa weftiga Madaxweynaha Somaliland Ee Hargeysa Kasoo kici timey , kuwaasi oo ku sii jeeda dhinaca Gobolada bariga Somaliland oo Abaaro ba’ani Sameyeen,islamarkaasina ay ugu kuurgalayaan Xaalada Abaareed ee ay ku sugan yihiin Dadka iyo duunyaduba.

Si kastaba ha ahaatee Siyaasiintan waa Cabdicasiis Maxamed Samaale iyo Muuse Biixi Cabdi Musharaxa Madaxweynaha Xisbiga Kulmiye Ayaa kulan kan qadada ah ee ay maanta kuwado qateen magaalada Berbera waxa siweyn looga dheehanayey Islaab-xaadhasho iyo laab furnaan siyasadeed oo u muuqda inay dhinac u wado jedaan, lana filayo inay Mar labaad Dagaalka Dhismaha iyo Guusha Kulmiye ay u Midoobaan.

Waxaana sidoo kale Wararka Shabakada Berberatoday.com helaysaa ay Tibaxayaan in Cabdicasiis Maxamed Samaale dhawaan lagu soo dari doono Isku shaandheynta la filayo inuu Madaxweyne Silaanyo Sameyn doono, taas oo la filayo in loo Magacaabo Wasaarada ugu Tunka Weyn Wasaaradaha Xukumada Somaliland si markaasi uu hormood uga noqdo, Ololaha Xisbiga Kulmiye Mar labaad doonayo inuu Hogaanka Dalka ku Fuulo.

Berberatoday.net/Com