Wararka ay helayso Warbaahinta Heegannews oo ay noo xaqiijiyeen ilo wareedyo lagu kalsoon yahay oo ka ag-dhawaa qabsoomiddii shirkaasi, ayaa sheegaya in Wasiir Sacad Cali Shire uu mashruucaasi ku lee yahay saami dhan 20%, halka inta kale na ay guud ahaan iska lee yihiin ganacsato iyo siyaasiyiin ka soo jeeda dalkaasi Somaliya oo uu hor kacaayo isla mar ahaantaana ay Somaliland wakiilo uga yihiin Dr.Sacad Cali Shire iyo guddoomiyaha ururka qurba-joogta Somaliya(Somali Deaspro Organization) Md.Sacad Xuseen oo ah xagjir ka soo jeeda dalka Somaliya toddobaado ka hor na ku sugnaa gudaha magaalada Hargeysa.

Mashruucan Kalluumaysi ee ay Somaliland ka fulinayaan dad iyo ururo aan aaminsanayn Somaliland isla mar ahaantaana ka soo jeeda dalka Somaliya, ayaa waxa uu hoos imanayaa shirkadda Kalluunka ee loo yaqaano Somali Fair Fishing oo xarunteeda guud ku taalo magaalada Muqdisho balse iyada oo shaadh kale loo xidhay ay hada ka furan tahay gudaha magaalada Berbera isla mar ahaantaana looggu magac daray Somaliland Fair Fishing.

Tallaabadan ayaa noqonaysa mid adhax jab ku ah guud ahaan qaranka Somaliland iyo siyaasaddiisa arrimaha dibadda, waxaana ay tani soo shaacsaaraysaa hagar daamooyinka siyaasaddeed iyo fadeexadaha dul hoganaaya wasaaradda arrimaha dibadda oo sida la sheegay dalalka dibadda iyo qurbaha u adeegsata dad aan ehel iyo fikirtoona la ahayn Somaliland isla mar ahaantaana aaminsan mabda’ Somaliweyn.

Ugu dambeyntii, waxa mar mar kale ay tallaabadani wiiqeysaa kalluumaysataddii ka soo jeeday Somaliland ee kalluunka ka soo saari jirtay badda Somaliland oo ay saamayn ku yeelan karto shirkaddan Somali weyn ee uu xambaarsan yahay Sacad Cali Shire

SAWIRA-dan kor xusan, waa kuwo muujinaaya shirka uu ka qeyb-galay  Wasiir Sacad Cali Shire iyo weli ba sida shakhsiyaadka Aaminsan Fikirka Soomaaliweyn oo shirkaas la dhex-fadhiya

Fiiro-gaara:- Link yadan hoose raac si aada wax uga oggaato urarada iyo weli ba shirkadaha ganacsi ba

Xigasho Heegannews/Staff