Maareeye-xigeenkii Telefishanka Qaranka Somaliland Ee Muqisho Ugoostay Oo Isagoo Muqdisho Jooga Ka Waramay Sababta Uu Somaliya U Tagay Iyo Xilka Uu Doonayo Inuu Qabto
November 20, 2016 - Written by Berbera Today
Hargeysa(Berberatoday.com)-Maareeye-xigeenkii telefishanka qaranka Somaliland Md. Mustafe Maxamuud Qodax, ayaa ka degay magaalada Muqdisho ee dalka Somaliya, isagoo haya xilkii.
Mustafe Qodax, oo isagoo ku sugan magaalada Muqdisho xalay khadka telefoonka ugu waramay wargeyska Geeska Afrika, wuxuu xaqiijiyay inuu Muqdisho u tagay ka mid noqoshada baarlamaanka Somaliya, gaar ahaan aqalka sare, “Haa, waxaan joogaa Muqdisho oo aan tagay, waxaanan galayaa aqalka sare ee baarlamaanka Somaliya. Somaliland waan u maqanahay oo halkaas ayaan uga soo shaqaynayaa, waayo Somaliland wax badan ayay u baahantahay inay halkan [Somaliya] ka qabato.” ayuu yidhi Mustafe Qodax oo u waramay geeska Afrika, isagoo intaas raaciyay, “Waxaan halkan mahadcelin uga dirayaa madaxweynaha Somaliland Axmed Maxamed Siilaanyo oo aanu wakhtigii KULMIYE iyo imika oo uu madaxweynaha Somaliland yahayba soo wada shaqaynay.”