Hargeysa(Berberatoday.com)-Macallimiintan oo ah dumar ayaa cabasho ka muujiyay guddoomiyaha waxbarashada ee Bariga Hargeysa, Idiris Maxamed Cumar (jabeel) oo ay sheegeen inuu ka hor istaagay xil dhanka mamuulka ah oo ay codsi u dirteen maamulka, halkaasi oo sida ay sheegeena hanjabaad iyo aflagaado  kala kulmeen.

Kharda Daahir Cabdilaahi oo barre iyo maamule-ku xigeen  ka ah dugsiga hoose dhexe ee macallin daa’uud oo u warantay wargeyska hubaal ayaa tidhi ; “waxa uu nagu sameeyay takooris ah ‘xil u diidis, waxa uu nagu xidhay adduun lacageed, oo aanaan awoodin, iyo weliba cagajuglayn, isagoo naga qaaday iskuuladii lanoo magacaabay.” Ayay tidhi Marwo Khadra Daahir Cabdilaahi, waxaanay sheegtay inuu guddoomiyuhu ugu mano sheegtay kursiga uu ku fadhiyo ee guddoomiyenimo, isla markaana haddii aanay laaluulush siinin isaga uu xidhi doono, waxaanay tidhi “waxaa uu si khaldan noogu yidhi is miisaama, haddii aanu haysano waxaanu isu miisaano waanu ganacsan lahayn. Waxaa uu nagu yidhi ‘haddii aydaan ismiisaamayn, cid ismiisaanta ayaan haystaa, sidaas ayaanu ku iibsaday labadayadii boos. Guddoomiyaha waxa iskaga jirta siyaasada iyo waxbarashada. Sidaa daradeed annagu manihin siyaasiyiin, siyaasadna shuqul kuma lihin, oo macallimiin ayaanu nahay.”