Hargeysa(Berberatoday.com)-Jeneral Maxamed Nuur Galaal oo ka mid ahaa saraakiishii dawladii milatari ee Maxamed Siyaad Barre, ayaa dhawaan Hargeysa yimid, waxaanu kulan la yeeshay Madaxweyne Axmed Siilaanyo.

General Galaal, ayaa markii uu madaxweyne Siilaanyo la kulmay ka dib wuxuu u waramay BBC-Somali, waxaanu sheegay inuu jecelyahay in Somaliya isku soo noqoto, isagoo xusay inuu rumaysanyahay in midnimadii burburtay ay faa’iido u leedahay Somalida,  “Halkan [Somaliland] anigu waan ogahay inay xorriyadooda ku dhawaaqeen, Laakiin anigu waxaan jeclaan lahaa in soomaali isku soo noqoto oo wada joogto, lama kala maarmo, markaa in cadowga la iska kaashado oo la isku gurmado ayaa loo baahnaan lahaa” sidaas ayuu yidhi.