Hargeysa(Berberatoday.com)-Garabkii UCID hore uga tirsanaan jiray ee uu hoggaaminayey Musharrixii hore ee Xisbigaas Jamaal Cali Xuseen oo toddobaadkan dhammaaday wadahadallo la bilaabay Xisbiyada Kulmiye iyo Waddani, ayaa shaaciyey inay hakad geliyeen wadahadalkii u bilaabmay Xisbiga talada haya ee Kulmiye, ka dib markii sida ay sheegeen ay kala kulmeen meeqaam hoose.

Xoghayaha Garabka Jamaal Cali Xuseen, Aadan Suldaan Cabdiraxmaan Suldaan Diiriye oo arrimahaa shalay Warbaahinta qaar kala hadlay, waxa uu isagoo faahfaahinaya sababta loo hakiyey wadahadalkaas uu yidhi; “Taageerayaashayada  iyo Ummadda Somaliland u sheegaynaa in aannu hore wax uga tirsanaynay Xisbiga Kulmiye. Annaga oo wax tirsanaynay haddana waannu hor fadhiisannay inay afkooda ka soo baxday Garab Jamaal-na garan mayno.”