|
|
Hargeysa(Berberatoday.com)-Wasaaradda Dhallinyarada Iyo Ciyaaraha ayaa Abaalmarin Ku Maamustay Shirkadda SO! LTD, Doorkii Weynaa ee ay ka Qaadatay Gudbinta tooska ah (LIVE) Ee Ciyaarahii Goballada Somaliland ee dhawaan ku qabsoomaan Hargeysa Stadium.
Shirkadda SO! LTD ayaa Abaalmarinta ku muttaysatay kaalintii lama ilaawaanka aheyd ee gudbinta tooska ah ee ciyaaraha goballada Somaaliland, iyadoo xilli ciyaareedkaasina Shirkadda SO! LTD dalka kusoo kordhisay internet noociisu dalka ku cusub yahay oo xawaarihiisu aad u dheeraynayo, iyagoo adeegsanaya xadhiga awooda badan ee internet-ka ee loo yaqaano “Fiber optic”, sidoo kalena Shirkadda SO! LTD waxay suurto galisay in ciyaaraha Gobollada Somaliland laga daawado baraha bulshada sida Face book, Youtube-ka, waxaanna intaasi dheeraa inay garoomada Hargeysa Stadium iyo Timacade Basketball ay ugu deeqday khad Wireless internet ah oo ay isticmaalayeen daawadayaasha ciyaaraha ka qayb galay ee ku sugnaa garoonadaasi, iyagoo daawadayaashu isticmaalaya internet-ka shirkadda SO! LTD oo bilaash ah ayey si toos ah ugu gudbinayeen Ciyaaraha Asxaabtooda kale ee ku kala sugnaa dalka gudihiisa iyo dacallada dunidaba.
Shirkadda SO! LTD, waxa kale oo ay deeqo Agab ciyaareed dhameystiran ah u fidisay guud ahaan sideedii kooxood ee kubbada kollayga ee ka kala socday gobollada Dalka, iyo waliba Agab ciyaareed isugu jira Dirays iyo lambarrada ciyaarta oo ay shirkaddu ugu deeqday Garsoorka Ciyaaraha Orodada iyo guud ahaan Orodyahanadii ka socday gobollada Dalka.
Deeqahan Shirkadda SO! LTD, ay u fidisay kooxihii ciyaaraha Gobollada dalka ku tartamayey ayaa ahaa deeqo shirkaddu ugu tallo gashay dhiirigalinta dhallinyarada iyo wax tarka bulshada, taasoo Shirkaddu sheegtay in aanay noqonnay markii u horreysay ama u danbeysay ee ay Shirkadda SO! LTD ballan qaadayso inay macaamiisheeda iyo bulshadaba la garab taagan tahay.
Sidoo kalena. Shirkadda SO! LTD waxay bulshada ugu tallo gashay una diyaarisay internet uu xawaarihiisu sareeyo oo uu sido xadhiga “Fiber optic”, waxaanay macaamisha jecel isticmaalka internet-keeda ugu bushaaraynaysaa in xarumo cusub looga furay dagmooyin badan oo dalka ah, kuwaasoo qaarkood gacanta lagu hayo, qaarna ay dhamaadeen oo ay shaqeeyaana sida Arabsiyo.
Berberatoday.com