Reer Sanaag Ceel Uma Qodna, Cidbaase U Maqan!Cabdilaahi Axmed Maxamed (Cabdilaahi Dahab)
November 28, 2016 - Written by Berbera Today
Hargeysa(Berberatoday.com)-Xoghayaha Xidhiidhka Gobolada Iyo Degmooyinka Ee Xisbiga Waddani Isla Markaana ah Xubin Kamid Hogaanka Sare ee Xisbigaasi Cabdilaahi Axmed Maxamed (Cabdilaahi Dahab) oo Safar Shaqo Ku Jooga Dalka Jabuuti ayaa walaac ka muujiyey xaaladda abaaraha Gobolada Bari ee Somaliland isaga oo xukuumadda iyo xisbigeeda KULMIYE ku eedeeyey in ay guud ahaan dalka gaar ahaan goboladaasi hagradeen taa baddalkeena gurmadkii abaaraha loogu baxayay ay kaambayn siyaasadeed u baddaleen. Xoghaye Cabdilaahi waxa uu umadda reer Somaliland gaar ahaan reer Sanaag ugu baaqay in ay gacmaha is qabsadaan oo ay iyagu isku tashadaan ILAAHAY-na SWT talo saartaan.
Xoghayaha Xidhiidh Gobolada Iyo Degmooyinka Ee Xisbiga Waddani Mudane Cabdilaahi Axmed Maxamed (Cabdilaahi Dahab) oo arrimahaa ka hadlayaa waxa uu yidhi: “Waa ineynu mar walba Alle SWT barino isaga uun baa awooda inuu inaga dul qaado dhamaan dhibaatooyinka dhaqan dhaqaale ee umaddeena maanta haysan. Waxa aan isku dayi doonaa in aan halkan kaga hadlo waftiga Xisbiga xukuumadda iyo xisbigeeda KULMIYE ee Ololaha u baddalay xaaladda gurmadkii Abaaraha wakhti aanay umaddu qaadi Karin olole siyaasadeed iyada oo duunyadii baxday dadkiina halis ugu jiro macaluul. Waaban ka gam’I lahayn haddii boodhkoodaa iyo batookhoodaa ay ummaddaa jilicdasan ee reer Sanaag wax ku soo tari lahaayeen.