Booliska Somaliland Oo Xalay Qabtay Ninkii Maalmo Ka Hor Hargeysa Ku Dhex Toogtay Marxuun Farmasi Haystay
November 30, 2016 - Written by Berbera Today
Hargeysa(Berberatoday.com)-Ciidanka Booliska Somaliland ayaa xalay gacanta ku dhigay nin loo haysto dilka marxuum uu toddobaadkii hore ku toogtay xaafadda Xero-Awr ee magaalada Hargeysa, kaas oo uu ugu dhex galay kuna dhex dilay meheradiisa oo ahayd farmasii.
Taliyaha Booliska Somaliland sareeye guuto Cabdillaahi Fadal Iimaan, ayaa xalay wargeyska Geeska Afrika u xaqiijiyay in ciidanka Booliska gobalka Saaxil ay ninkaas gacanta ku soo dhigeen islamarkaana dhawaan sharciga la horkeeni doono. “Ninkaas waanu soo qabanay, gacanta ciidamada Booliska ayaanu ku jiraa, waxaanan ku qabanay deegaanka Berbera.” ayuu yidhi Taliyuhu.