|
|
Garowe(Berberatoday.com)-Xeer Ilaaliyaha Puntland Maxamuud Xasan Cusmaan oo la hadlay Warbaahinta ayaa sheegay in baadhitaano ay ku wadaan Masuuliyiin si sharci daro ah Xabsiyada ugu sii daayay Maxaabiis fara badan kuwaasi oo qaarkood ay Maxkamad Xukuntay.
Waxa uu sheegay in ay socdaan ayna jiraan Masuuliyiin sharci daro sameeyay sida uu sheegay.
Waxa uu sidoo kale sheegay in Xeer ilaaliyaha Gobol walba lagula Xisaabtamaya arrinta Masuuliyiintaasi ay sameeyeen.
Waxa uu sheegay in baaritaanka ay hada hayaan ay rajeynayaan in ay soo gabagabeeyaan go’aana ka soo saaraan sida uu sheegay.
“Waan maqalnay in mas’uuliyiin Puntland ah ay maxaabiis si sharci darro ah kusii daayeen, haddii ay cabasho ka yihiin xukunka la ridey waxay ahayd iney racfaan ka qaataan, balse baaritaan baa socda waana la isla xisaabtami doonaa” ayuu yiri Xeer Ilaaliyaha.
Qaar ka mid ah Masuuliyiinta Puntland ayaa horay loogu eedeeyay iney Xabsiyada ka sii daayaan dadka Maxaabiista ah oo ay isku beelka yihiin kuwaasi oo qaarkood la sheegay in Maxkamada ay Xukuntay.
Berberatoday.com