Xildhibaan Ganacsatada ugu baaqay Inay Shacabka u Naxariistaan
December 6, 2016 - Written by Berbera Today
Hargeysa(Berberatoday.com)-Xildhibaan Maxamed Saalax oo ka mida mudanayaasha aqalka golaha wakiilada Somaliland ayaa ganacsatada ugu baaqay inay u naxariistaan shacabkooda islamarkaana ay hoos u ridaan qiimada Maciishada ee kor u kacay.
Xildhibaan waxaa uu sheegay in badi shacabkii Somaliland ay saameysay Qiimaha maciishada ee kor u kacday islamarkaana loo baahanyahay in la xakameeyo qiimada korodhka Ascaarta iyo safarka.
“Goboladii maanta cidkasta way kasoo qaylinaysaa, oo qofkii 800 oo laan ah mushaharkiisa ku qaadanayay lacagtiisu waxba uma aha”ayuu yidhi Xildhibaan Maxamed Saalax oo shalay warbaahinta kula hadlay magaalada Hargeysa.