soodhaweyntan Murashaxii hore ee Xisbiga UCID Jamaal Cali Xuseen oo Abaabulkeeda siweyn Loogu dareemayo Bulshada qaybaheeda kale duwan, ayaa ku soo beegantay Xili Jawiga Siyaasada Somaliland uu meel xasaasi ah marayo, islamarkaasina la Filayo inuu murashax Jamaal Cali Xuseen iyo Garabkiisu ay Ku Dhawaqaan, Xisbiga ama Meesha uu masiirkiisa Mustaqbalka ka Baadi doonayo.

Tageerayaasha Xisbigaasi UCID uu ku leeyahay Gobolka Saaxil,gaar ahaana garabka Dhalinyarada ee Xisbigaasi Ayaa iyagu ah kuwo siweyn u abaabulaya Soodhaweynta Jamaal Cali Xuseen uu ku Imanayo Gobolka Saaxil, islamarkaasina sameystay Boodhan iyo Calaamado uu ku Dhajisan yahay Sawirka Murashaxii hore ee Xisbiga UCID Jamaal Cali Xuseen, sidoo kalena ay ku Xardhan yihiin Hadalo ay kamid yihiin “Jamaal Cali Xuseen Ku Soodhawow Gobolkaaga, Ciyaartu Wali may dhamaanin wali”

Safarka Murashaxii hore ee Xisbiga UCID Jamaal Cali Xuseen ee ku aadan  Gobolka Saaxil , ayaa siweyn looga dhur sugayaa ujeedada uu xambaarsan yahay, waxaana dadweynaha ka faalooda Siyaasada Somaliland ay safarka Jamaaal ee Gobolka Saaxil ku macneyeen mid dhoolatus ah iyo Digarogasho iskugu jira, oo uu Murashaxii hore kula soo guryo noqonaya Goobtii ama Xuduntii Tageerayaashiisa  Bud-dhiga u ahayd oo ah Gobolka Saaxil, islamarkaasina uu Jamaal talooyin iyo xogo uu kula wadaagayo Waxgaradka iyo dhalinyarada iyo Haweenka Beesha Gobolka Saaxil,si uu go’aan qaato Xisbiga uu Tageeradiisa ku Biirin lahaa islamarkaasina uu ka baadi dooni lahaa Masiirka Mustaqbalkiisa Siyaasadeed.

Berberatoday.com