|
|
Hargeysa(Berberatoday.com)-Fadhigii Golaha wakiilada Somaliland ee shalay oo uu gudoominayay Gudoomiye kuxigeenka 1aad ee golaha Mudane Baashe Maxamed Faarax isla markaana ay ka soo Xaadireen 43 Mudane ayaa waxa Gudoomiyuhu soo hordhigay Laba Xeer oo golewynuhu hore uga dooday oo kala ah. Xeerka Hantidhawraha guud iyo Xeerka Maamulka iyo Maareynta Maaliyada.
1. Xeerka Maamulka iyo Maareynta Maaliyada PFM, waxaa ogolaadey 34 xildhibaan, waxaa diidey 6 xildhibaan 1 xildhibaan baa aamusey gudomiyuhuna ma codayn. a codeyn
2. Xeerka Hantidhowrka Guud ee Qaranka,waxaa ogolaadey 35 Xildhibaan, waxaa diidey 4 Xildhibaan 2 xildhibaan baa aamusey gudomiyuhuna Ma codeyn
Sidaasbaanay labadaas xeerba ku ansaxeen.
Gudoomiye Baashe oo Fadhiga Gudoominayay ayaa xidhitaankii fadhiga Mudanayaasha ku wargeliyey in maalinta Sabtida ay ansixin doonaan masuuliyiintii u hadhsanaa Gudiyadana ku wargeliyey inay soo gudbiyaan masuuliyiinta qaran ee ay hayaan si goluhu Sabtida u ansixiyo.
Berberatoday.com