Berbera(Berberatoday.com)-Musharxii hore ee Xisbiga cadaalada iyo daryeelka Ucid aqoonyahan jamaal Cali Xuseen ayaa ku dhawaaqay inuu sirasmiya ugu biiray Xisbiga Talada Haya ee Kulmiye, Waxaanu aqoonyahan Jamaal Cali Xuseen ka sheegay hadalkaas xaflad balaadhan oo maanta lagu qabtay Hutel Maansoor Berbera halkas oo ay kasoo qeyb galeen dhamaan taageerayaasha Xisbiga Ucid ee Gobolka Saaxil iyo taageerayaal tira Badan oo taabacsan aqoonyahan Musharax Jamaal Cali Xuseen

Sidoo kale Waxa kasoo qeyb xafaladaas oo mudo saacado ah socotay Madaxda xisbiga Kulmiye Ee Heer Gobol iyo Heer Degmo ee Gobolka Saaxil Masuuliyiinta haayadaha dawlada ee Gobolka Saaxil kuwaas ay kamid yihiin Gudoomiyaha Gobolka Saaxil Jaamac Yuusuf Axmed, Gudoomiyaha Golaha Deegaanka Degmada Berbera Cabdishakuur Maxamud Xasan(Cidin)Maareyaha wakaalada Biyaha Berbera Keyd Cabdillahi Xandulle Iyo Maareye Kuxigeenka Dekeda Berbera Cabdi Cabdillahi Xasan Mataan, Sulaadiin, Cuqaal, aqoonyahan, dhalinyaro Iyo Haween tira badan.