Hortu Waxaan Idiin Sheegayaa Waxyaabaha Aan Ku Bartay Siyaasada Somaliland Waxa Ka Mid ah in Mararka qaar Godkii Lagaa Qaniinay in aad Qudhiisa Degto, Godka Lagaa Qaniinayo Gudhiisa in aad Degto ayaan Bartay.

Haddii Qof Muslim ah aad Siyaasad isku Khilaaftaan oo ama Sidiisaba isku Khilaaftaan oo intuu Kuu Yimaado ku Raali geliyo Isagoo kuu qirsan in uu gef kugu sameeyey In aad Cafiso Muslinimada iyo Islaamka ayey ku Jirtaa Ilaahaybaa quraankiisa ku yidhi ” QOFKA CAFIYA QOF XUMEEYEY AJARKIISU XAGA ILAAHAY AYUU YAALA”

Waad ogtihiin qisadii Nabi Yuusuf CS Markay walaaladii ceelka ku rideen ee markii dambe u yimaadeen waa kii yidhi maanta canaani ma jirto inkastood tihiin walaaladay oo aad god igu rideen haddana maanta waan idin saamaxay.

Waxaad Ogtihiin Nelson Mandela oo 23 Sano Jeel ku jiray Kuwii ku riday jeelka ayuu cafiyey oo xilal ku taxay.

Waxaad ogtihiin Siyaasada Somaliland Dr Gaboose iyo Ciro cid iskaga colaad xumi may jirin haddana markii dambe gaboose ciro ayuu taageeray, Sidoo kale Siyaasada somaliland Saleebaan Gaal iyo Madaxweyne Siilaanyo cid iskaga xumayd may jirin haddana markii dambe waa tii Saleebaan iyo Siilaanyo Gar-adag lagu heshiisiiyey ee uu Saleebaan Siilaanyo Ku dhisay.

Haddii qof walba uu yidhaahdo qofka kale ayaan ka goosanayaa in kastoo weliba qofka kale ku yidhaahdo iga raali ahaw oo uu ku yidhi i cafi waxay keenaysaa taasi in dadka oo dhami is cafinin dalkuna uu inaga xumaado, Qofka Hogaamiyaha ahna waxa lagu gartaa qaladaadka lagu sameeyo uu liqo isagoo eegaya danta guud iyo danta umada Somaliland halka ay ku jirto.

Aniga waxa ii hawl yarayd in aan toos ugu biiro xisbiga Wadani oo aan aargoosto mid ii banaan ayey ahayd dadka badankooguna sidaas ayey iigu baaqayeen

Hortu anigu maanta waxaan kala dooranayaa Laba Xisbi Xaakim.
Waxa weeyaan laba xisbi Xaakim oo midna dawladii haysto midna Baarlamankii haysto, Maanta haddii xisbiga Wadani abaal ii dhigan lahaa oo ii dadaali lahaa oo ii halgami lahaa way igu qasbanaan lahayd in aan iyaga xooga ku biiriyo laakiin markii gudoomiyihii baarlamaanka ee hanka madaxweynimo lahaa kalmad ii odhan waayey, Kalmad aan u qalmay oo ahayd “waar ninka waa laga gardarnaa” aniga waxa igu kalifay isagoo sugaaya malaha inaan isaga markiiba toos ugu tago anigoo cadhaysan, cadhadaydii ayaan liqay taageerayaashaydii iyo dadkaygii ayaan la tashaday waxaan ogaaday in Geelu iskugu kaaya Jiro Muuse Biixi, Haddii geelu iskugu kaaya jirona dadkii aanu geela wada lahayn iyo dadkii dantu iskugu kaayo jirtay ee taageerayaashayda ahaa waxay yidhaahdeen anagaa kusoo garab galnayee maanta waxaanu doonaynaa in aad halkaa eegtid

Anigu markii aan eegay Labada Hogaamiye sida ay iiso kala booqdeen siday iila hadleen siday ii wajaheen anigu waxaan arkay Muuse in uu runtii aad u doonayo in dalka lala dhiso in la caawiyo in la garab galo anigu waxaan go,aansaday in aan Muuse Dhiso.

Aqoonyahan Jamal Ali Hussein, Guul Inshalah.