Shirkiisii jaraa’id ee ugu dambeeyey ayuu ku sheegay in waxoogaa nashasho ah ka dib uu ku laaban doono Kuuriyada koofureed, uuna ka baaraan degi doono sida ugu wanaagsan ee uu dalkiisa wax ugu tari karo.

Doorashooyinka soo socda ee Kuuriyada koofureed ayaa la qorshaynayaa in la qabto Disembar 2017, laakinse waxaa dhici karta in cod bixin ay dhacdo laba bilood gudahood, ka dib markii baarlamaanku uu u codeeyey in dacwad lagu soo oogo madaxweynaha iminka, haweeneyda Park Geun-hye, taasoo la xiriirta fadeexado ku saabsan dad ku hodmay saamayn ay iyada ku lahaayeen.

Baarlamaanka ayaa u codeeyey in Park Geun-hye dacwad lagu soo oogo

Ms Park ayaa lagu eedeeyey inay u ogolaatay saaxib aad ugu dhow inay ka macaashto xidhiidhkeeda 

Haddii maxkamadda dastuuriga ah ee dalka ay meel mariso cod bixintii todobaadkii hore lagu go’aamiyey in dacwad lagu soo oogo, Ms Park waxay noqon doontaa madaxweynihii ugu horreeyey ee waddankaas ee isagoo xilka haya si dimoqaraadiyad ah loo eryo, waxaana doorashooyin madaxweynenimo la qabanayaa 60 maalmood gudahood.

Banaanbaxyo looga soo hor jeedo madaxweyne Park Geun-hye ayaa socday todobaadyadii la soo dhaafay

Hadalka Mr Ban ayaa ku soo aaday ayadoo banaanbaxyo ay ka socdaan magaalada caasimadda ah ee Seoul. Maalmahan ayaa la filayaa in dad aad u tiro badan ay isu soo baxaan, kuwaasoo weydiisanaya in Ms Park ay degdeg isu casisho. Isu soo baxa ayaa noqon doona banaanbixii 8aad ee xiriir ah, kuwaasoo looga soo horjeedo Ms Park.

Berberatoday.com