Magacyada Laba Gabdhood Oo Soomaali Ah Oo Shalay Lagu Dilay Magaalada Attowa Ee Dalka Kanada
December 19, 2016 - Written by Berbera Today
Ottowa(Berberatoday.com)-Labo Gabdhood oo Soomaali haysta Dhalashada dalka Kanada, ayaa lagu dilay Magaalada Ottawa ee Dalka Kanada, waxaana meydkooda laga helay gurigooda oo lagu qariyey.
Laanta danbi baadhista Booliiska ee Magaalada Ottawa ayaa sheegay in ay qabteen dad lagu tuhmayo inay ku lug-leeyihiin dilka loo geystay labada Gabdhood ee Walaalaha ah, waana kiisaskii 23aad iyo 24aad oo sanadkan gudihiisa ka dhaca Magaaladda Ottowa ee dalkaasi
Gabdhahan oo Dilkoodu dhacay Habeennimadii Sabtida isla-markaana Dilkooda loo adeegsaday Toorey, ayaa waxaa lagu kala magacaabaa Nasiiba C/raxmaan Nuur oo 23 jir ahayd iyo Asma C/raxmaan Nuur oo 32 jir ahayd, waxaana dilkooda geystay sida la sheegay dhalinyaro boolisku qab-qabteen Dilka hablaha ka dib.