|
|
London(Berberatoday.com)-Waaxda Horumarinta Caalamiga ah ee Boqortooyada Midowday UK ee loo soo gaabiyo DFID ayaa 1.5 milyan oo gini ugu deeqday Dawladda Soomaaliya oo lagu taageerayo Mashruucyada kaabayaasha ah.
lacagtan Boqortooyada Midowday ay ku deeqday ayaa la marsiin doonaa Bangiga horumarinta Afrika,waxayna lacagtaasi ay Dowladda Soomaaliyeed ka caawin doonto xoojinta awoodaha horumarinta iyo Maamulka kaabayaasha, sida tababar xirfadeed la siiyo dhallinyarada.
Madaxa Waaxda Horumarinta Caalamiga ah ee UK ee Soomaaliya Phil Evans ayaa sheegay in horumarinta dhaqaalaha Soomaaliya ay ahmiyad sare siinaysaa taageeradan cusub, isagoo xusay in ay buuxin doontaa waxa ka gaabta deeqaha caalamiga ah eeSoomaaliya, waxayna deeqdani qeyb ka tahay dadaalka dowladda UK ee xoojinta horumarka dhaqaale ee Soomaaliya.
Deeqdan waxaa kaloo looga faa’iidaysan doonaa, oo ay gacan ka geysan doonta xasiloonida Somaaliya, iyada oo diiradda lagu saari doono maal-gelin lagu sameeyo qeybaha tamarata, biyaha, nadaafadda iyo Gaadiidka Soomaaliya.
Gabagabadii, Lacagta ayaa qeyb ka ah heshiiska hiigsiga cusub ee Soomaaliya iyo dalalka saaxiibada la ah ee bishii September 2013-kii lagu gaaray Magaalada Brussels ee Dalka Belgium
Berberatoday.com