|
|
Bosaso(Berberatoday.com)-All ha u naxariistee, Xeer ilaaliyihii maxkamada ciidanka Puntland Col. Cabdikariim Xasan Firdhiye(Hoori) ayaa dhalinyaro hubaysan ay ku toogteen hotel ku yaal bartamaha magaaladda Bosaso
Sida ay sheegeen dad goobjoogayaal ah, Xeer ilaaliyaha ayaa waxaa toogtay labo nin oo dhalinyaro ah oo ku hubaysnaa bastoolado iyo bambooyinka gacanta, iyado goobtu dilki ka dhacay ay u dhaxayso Taliska Booliska Gobolka iyo saldhiga ugu weyn magaaalada Bosaso ee Bartamaha.
Wararku waxay intaas ku darayaan in dhalinyaradii dilka gaystay ay ka carareen goobtii ay dilka ka gaysteen, hase yeeshee dadweyne caraysan iyo ciidamadda booliisku aya dabagalay, iyadoo rasaas badan ay ka dhacayso bartamaha magaaladda.
Dilka xeer Ilaaliyaha ayaa noqonaya dilkii saddexaad ee muddo labo toddobaad ah ka dhaca magaaladda Bosaso, waxaana hore magaalada loogu dilay Maamulihii madaxtooyadda Bosaso iyo taliye K/xigeenkii saddexaad ee Booliiska Puntland.
Xigasho Horseedmadia.net