|
|
Hargeysa(Berberatoday.com)-Muj Xassan Guure gudoomiyaha madasha wadatashiga iyo toosinta qaranka Somaliland waxaa uu ka hadley wararka sheegaya in saldhig Military laga siinayo magaalada Berbera Dawlada Imaraadka Carabta
Muddane Xassan Guure waxaa uu si adag ugu baaqay in gabi ahaanba la joojiyo saldhig la siiyo dawlada Imaraadka isaga oo ku sifeeyey in ay tahay dhaxal wareejin dalka lagu sameynaayo bixinteedana laga soo amar qaadanayo dawlada Somaliya
Sidoo kale Muj Xassan Guure waxaa uu fariin u diray xildhibaanada baarlamaanka Somaliland isaga oo u soo jeediyey in aanay ansixin hadii la hor keeno
“Saldhigaas waa in la joojiyaa waa dhaxal wareejin dalka la dhaxal wareeejinaayo Somaliya ayaa laga soo qadanayaa fasaxa , sheekooyinka caynkas ah ha la joojiyo , madaxweynaha waxaan maqlaayey iyada oo ay jaara’idku soo qoreen baarlamaanka ayaa la geynayaa .
Waxaan leeyahay kuwan baarlamaanka ee iyagu qudhoodu aan waxba diidin waar waxaad dhaxal wareejineysaan waa dhaxalkii umadkiina iyo umadiina weeye , hadii aynu cid wax siineyno ma carab ayeeynu wax siineynaa” ayuu yidhi Muj Xassan Guure
Halkan Hoose Ka Daawo Muuqaalka Warkan
https://youtu.be/W_SHviMtT4E?t=8
Berberatoday.com