|
|
Hargeysa(Berberatoday.com)-Murashaxa xisbiga mucaaradka ah ee KULMIYE Muuse Biixi Cabdi,wasiiro ka tirsan xukuumadda madaxwayne Siilaanyo iyo waliba maareeyihii hore ee dekeda magaalada Berbera Eng Cali Xoor-xoor iyo sidoo kale Wiilka uu Madaxweyne Siilanyo Sodog uyahay ee Wakiilka Somaliland ee dalka Isutaga imiraatka ah Baashe Cawil ayaa xalay xilli danbe guure ku galay magaalada Burco ee xarunta gobolka Togdheer.
Socdaalka waftigan oo aan hore loo shaacin ayaa wararku sheegayaan in shalay casar liiqii ay ka amba baxeen magaalada Hargeysa iyaga oo u jihaystay magaalada Burco.
Murashax Muuse Biixi ayaa waxa socdaalkiisan ku wahelinaya wasiirka wasaaradda madaxtooyada somaliland Maxamuud Xaashi Cabdi,agaasimayaal iyo waliba maareeyihii hore ee dekeda magaalada Berbera ee uu madaxwayne Siilaanyo xilka qaaday Eng Cali Xoor-xoor.
Ujeedada ay waftigan xalay guurada ugu galeen magaalada Burco ayaa ah sida naloo sheegay ka qayb galka xaflad soo dhawayn ah oo xisbiga KULMIYE u samaynayo beesha Cimraan ee bariga magaalada Burco.
Berberatoday.com