|
|
Hargeysa(Berberatoday.com)-Afhayeenka Ciidanka Booliska Somaliland ayaa waxba kama jiraan ku tilmaamay war xisbiga waddani faafiyay kaas oo uu ku sheegay in shakhsiyaad ka tirsan ciidanka booliska xilal looga magacaabay xisbiga kulmiye
Haybe Good Hurre oo loo magacaabey xoghayha degmada Axmed Dhagax ee xisbiga Kulmiye
iyo sidoo kale Mustafe Yuusuf Dhega Cade oo loo magacaabey gudoomiyaha dhalinyarada degmada Axmed Dhagax
afhayeenka ciidanka booliska somaliland oo aanu goordhawayd la xidhiidhnay si aanu warkan wax uga waydiino ayaa been abuur ku tilmaamay warkaas isagoo sheegay in wakhti hore labadan shakhsi laga ruqseeyay shaqadii ay ka hayeen ciidanka booliska
labadan shakhsi ee xisbiga waddani ku eedeeyay inay ka tirsanyihiin ciidanka booliska ayaa muddo kahor kamid ahaan jiray ciyaartoyga kubadda cagta ee ciidanka booliska somaliland
iyadoo sanaddo kahor ka fadhiistay ciyaaraha Somaliland, si kastaba ha ahaatee afayeenka ciidanka booliska Somaliland ayaa xisbiga waddani ugu baaqay inay ciidanka booliska iyo ciidamadda qalabka sida ee qarankaba ka daayaan dacaayadaha ay warbaahinta u marinayaan
Berberatoday.com