Xeer-Ilaaliyaha Guud Ee Qaranka Oo Sheegay In Gabdho Qaba Xanuunka HIV/AIDS-ku Dalka Soo Geliyaan Maandooriyaha KHAMRIGA & Halista Ka Dhalan Karta
December 30, 2016 - Written by Berbera Today
Hargeysa(Berberatoday.com)-Hababka Dadka ka ganacsada Maandooriyaha Khamrigu Magaalooyinka Dalka u soo geliyaan, ayaa mareysa meel halis badan, taasi oo sababi karta khataro kale oo dhanka Caafimaadka ah.
Dadka ka Ganacsada Maandooriyaha Khamriga, ayaa marka ka soo iibsadaan Khamriga Dalka Itoobiya waxay dhib badan kala kulmaan sidii ay u soo gelin lahaayeen Magaalooyinka Somaliland, maaddaama oo Kaantaroollada xuduudka iyo Dalka Gudihiisaba ah aad loogu baadho Gaadiidka Dalka Dibaddiisa ka yimaadda, laakiin waxay bilihii u dambeeyay bilaabeen inay adeegsadaan Hablaha qaba Xanuunka HIV/AIDS-ka oo Askarta iyo Dadka kale ee Shacabkuba u naxariistaan isla-markaana aan looga shakiyi karin inay Khamri sidaan.