Maraykanka Oo Sheegay Inay Dileen Sarkaal Ka Tirsanaa Al-shabaab
January 1, 2017 - Written by Berbera Today
USA(Berberatoday.com)-Dowladda Mareykanka, ayaa sheegtay in duqeyn ku dishay Sarkaal ka tirsanaa Al-shabaab.
Afhayeen u hadlay Wasaaradda difaaca oo lagu magacaabo John Kirby, ayaa sheegay in Duqeymo ay Diyaaradahoodu la beegsadeen deegaan ka mid ah Gobolka Jubbada Hoose ku dileen Saraakiil ka tirsan Kooxda Al-shabaab.
Afhayeenka Wasaaradda Difaaca Maraykanka oo arrimahaa ka hadlayaana wuxuu yidhi, “Waxaanu beegsanay Sarkaal sare oo ka tirsan Al-Shabaab.” Ayuu yidhi, waxaanu intaa ku daray, “Howlgalkaasi waxaa fuliyay diyaaradahayaga dagaalka, laakiin ma xaqiijin karo in uu jiro khasaare soo gaadhay dadka shacabka ah.”