|
|
Hargeysa(Berberatoday.com)-Xildhibaan Siciid Cilmi Rooble oo ka mid ah mudanayaasha golaha wakiilada Somaliland waxaa uu cod dheer ku baaqay in xildhibaanada golahaasi aanay ansixin odoroska miisanyada sanadka 2017 oo golaha hor taala .
Xildhibaanka ayaa waxaa uu baaqiisa sabab uga dhigay miisanayada sanadkani in aanay ka turjumeen daruufaha iyo abaaraha dalku ku jiro isla markaana ay u muuqato miisanyad ku saleysan mid uu dalku barwaaqo ku jiro .
” Miisaanyadii shalay lanoo keenay waxaa ay u muuqtey miisaanyad ku saleysan dawlad barwaaqo ku jirta , waxaanu leenahay dawladeey la noqda miisaanyadan oo keena miisaanyad abaarta khuseysa ” ayuu yidhi xildhibaanku
Sidoo kale xildhibaanka ayaa waxaa uu sheegay in uu gabi ahaanba meesha ka baxay xidhiidhkii ay Somaliland la laheyd dalka Ethiopia isaga oo tilmaamay hadii uu xidhiidhkaasi jiri lahaa in aan la wayeen caawimoo biyo iyo caws ah oo dawladaasi ku soo caawiso dadkeena abaaruhu sameyeen
” Dalka Itoobiya intan buu inoo jiraa kun gaadhi oo caws ah baanu ka helaynaa hadii uu xidhiidhkeenu wanaagsan yahay iyo kun booyadood oo biyo ah ” ayuu yidhi Xildhibaanku
Halkan Hoose Ka Daawo Muuqaalka Warkan
https://youtu.be/Ai4p46Kjp0o?t=52
Berberatoday.com