Wasiirka Caafimaadka Oo U Digay Farmasiyada Daawooyinka Iibiya
January 6, 2017 - Written by Berbera Today
Hargeysa(Berberatoday.com)-Wasiirka Wasaaradda Caafimaadka Dr Saleeban Ciise Axmed (Xaglo-Toosiye), ayaa ayaa farmasiyada magaalada Hargeysa ugu baaqay inay xil iska saaraan dawooyinka ay shacabka ka iibinayaan.
Wasiirka oo u waramay Geeska Afrika, waxa kale oo uu amaanay koox salaadiin ah oo ka qayb qaadatay sidii gacanta la isugu saari lahaa labada murashax ee KULMIYE iyo Waddani oo hadalo ay warbaahinta isu mariyeen noqdeen kuwo xanaf leh.
Ugu horayn isagoo ka hadlaya salaadiinta iyo kulanka labada murashax, wuxuu yidhi “Salaadiinta waan ku hambalyeynayaa, waan ku amaanaya, waana uga mahadnaqayaa sida milgaha,sharafta iyo gobonimada leh ee ay yeeleen ee ay iskugu keeneen Cabdiraxmaan Cirro iyo Muuse Biixi ee ay u heshiisiyeen, ee ay u dhammeeyeen khilaafkii soo kala dhex galay, waxaana wakhtigan aynu ku jirnaa xaalad aad u adag, abaaro daran, dadkeenii oo iska tabaalaysan, Xoolihii oo inaga dhammaaday, Doorashooyin inagu soo food leh, markaas Xisbiga Muxaafidka ee aan ka tirsan nahay ee Kulmiye iyo Labada Xisbi ee kale ee UCID iyo Waddani, aynu wada ilaalino qaranimada iyo midnimada Shacabkeena reer Somaliland, oo aynu ka fogaano wax walba oo dhib iyo hagar-daamo ku ah”.