Baahidu Waa Furaha Hal-Abuurka: 2 Arday Oo Afrikaan Ah Oo Sameeyey Saabuun Lagula Dagaalami Karo Kaneecada
January 17, 2017 - Written by Berbera Today
Ouagadougou(Berberatoday.com)-Koox mutadawaciin u dhashay dalka Burkina Faso ah ayaa gacanta dhex geliyey sanduuq weyn oo kaneeco dheddig oo gaajaysan laga buuxiyey, si ay u caawiyaan tijaabo lagu samaynayey saabuun dhowaan lagu ikhtiraacay dalkaas oo liddi ku ah kaneecada, si looga takhaluso cudurka Duumada ee faraha baas ku haya qaaradda Afrika.
Gerard Niyondiko oo u dhashay dalka Burundi iyo Moctar Dembele oo u dhashay dalka Burkina Faso oo labaduba arday ka ah dalka Burkina Faso ayaa curiyey samayska saabuuntan si ay malaayiin qof oo reer Afrika ah oo halis u ah cudurka Duumada ugu noqoto ka hortag ka ilaaliya qaniinyada kaneecada.