|
|
Hargeysa(Berberatoday.com)-Wasiirka wasaarada warfaafinta Somaliland Cismaan Cabdilaahi
Saxardiid Cadaani ayaa waxaa dibada looga soo saarey hoolka shirarka ee madaxtooyada Somaliland .
Dhacdadan ayaa waxaa ay dhacdey maalintii shalay oo Khamiis aheyd wakhtigaas oo ay madaxtooyada ku sugnaayeen saddexda gudoomiye iyo kominshanka doorashooyinka Somaliland oo kulan la lahaa madaxweyne Siilanyo .
Kulankaasina waxaa uu ahaa mid u khaas ah saddexda dhinac ee kala ah madaxweynaha , Gudida doorashooyinka iyo saddex xisbi isla markaana waxaa uu sidoo kale ahaa mid ka cagnaa in ay soo fadhiistaan wasiirada iyo masuulyiinta aan saddexdaas dhinac aheyn .
Wasiirkan ayaa hoolka ugu soo galay iyada oo ay fadhiyaan xisbiyada qaranka iyo kominshanka doorashooyinku , waana uu soo faadhiistey hoolka wakhtigaas oo la sugaayey madaxweyne Siilanyo in uu hoolka soo galo .
Kominshan doorashoyinka ayaa isla markiiba waxaa ay codsadeen in dibada hoolka looga saaro wasiir Cadaani isla markaana uu shirkani yahay mid khaas u ahaa saddexdaas dhinac waxaana wasiir Cadaani lagu war galiyey in uu hoolka dibada uga baxo , waxaana uu sidaasi kaga baxay hoolka wasiirku
Berberatoday.com