Hargeysa(Berberatoday.com)-Waxaan xukuumadda iyo Xisbiyada ugu baaqayaa in wada jir loogu gurmado dadkeena ay abaaruhu ku habsadeen een biyo iyo baad midna hayn, sidaasi darteed waa in lacagta doorashooyinka ugu jirta miisaaniyada (8000,000 milyan ee Dollar) iyo in kaloo lagu daro si wax loo siiyo kumaan ka kun ee qoys ee caydhoobay abaaraha oo bilaha inaga soo fool leh xaaladdu sii adkaanayso haddii alle madarkiisa noo shubin.  Waxa kale oo haboon oo lagama maarmaan ah in sanadka danbe la wada qabto labada doorasho, taas oo dan dalka ugu jiro dhinaca qorshaha iyo nidaam ahaanba. Haddii la qaban waayo ta wakiillada inay ay adkaan doonto in dib loo qabto waayo madaxweynaha hadda Axmed Maxamed Siilaanyo uma sharaxna doorashada wayna u fududahay inuu ku dhiirado dhamaystirka cabashooyinka ka jira saamiqaybsiga si loo qabto doorashada wakiillada.