|
|
Muqdisho(Berberatoday.com)-Sida ay sheegayaan wararka inaga soo gaaraya Magaalada Muqdisho, qarax aad u xoogan ayaa lagu weeraray Hotelka Dayax oo ku yaalla wadada Maka Al-Mukarama, gaar ahaan dhanka Sayidka.
Gaari waxyaabaha qarxa laga soo buuxiyay ayaa lagu weeraray Hotelka, iyadoo qaraxa kadib la maqlaayay rasaas xoogan oo dhaceysa
Jugta qaraxa ayaa si aad ah looga maqlay Degmooyinka Gobolka Banaadir, maadaama qaraxa uu ahaa mid aad u xoogan.
Ilaa hada ma cadda Khasaaraha rasmiga ah ee ka dhashay qaraxaasi xoogan ee ka dhacay Magaalada Muqdisho, gaar ahaan Hotelka Dayax.
Ciidamada ammaanka dowladda ayaa ku baxay goobta qaraxa uu ka dhacay, iyadoo wadada ay tahay mid xiran.
Hotel Dayax waxaa degan Xildhibaano ka tirsan Baarlamaanka Federalka Somaliya.
Berberatoday.com