|
|
Hargeysa(Berberatoday.com)-War hada soo dhacay ayaa sheegaya in Ciidmada Booliska Somaliland ay abaaro duhurnimadii maanta xabsiga dhigeen Madaxii Horumarinta Bulshadda ee Shirkada Isgaadhsiinta Telesom Cabdiwahaab Maax Maxamuud, waxaana xadhiga sarkaalkaan Warbaahinta u xaqiijiyay mid kamida saraakiisha sarsare ee shirkada Telesom
“Abaaro 11kii duhurnimo ee Saaka ayaa saraakiisha ciidanka CID-da ay u yeedheen Md. Cabdiwahaab Maax, markii uu u tagayna waxa ay ku wargaliyeen in uu xidhan yahay, xadhigiisuna yahay Amar sare oo xukuumada ka soo baxay” ayuu yidhi masuulka u hadlay shirkadda telesom oo magaciisa ku soo gaabiyay mahdi
sidoo kale masuulkan ka tirsan shirkadda telesom ee xaqiijiyay xadhiga sarkaalkan ka tirsan shirkadooda ayaa isagoo hadalkiisa sii wata intaas ku daray
Xadhiga Md. Cabdiwahaab Maax wuxuu salka ku hayaa hadal uu maalintii shalay siiyay Idaacada BBC-da kaasi oo ku aadanaa Adeega Zaadka iyo isticmaalkiisa.
Si kastaba ha ahaatee Xadhiga Sarkaalkan ka tirsan shirkada Telesom ayaa ku soo beegmadaya kadib markii maalintii shalay mar uu u waramayay bbc-da sarkaalkan ka tirsan telesom ee la xidhay uu si badheedha uga horyimi go’aankii madaxwayne siilaanyo maalintii shalay ka soo saaray ka hortaga sicir bararka qodobaadaas oo ay ku jireen inaan adeegyadda zaadka iyo edahab lagu diri karin wax ka yar boqol dolar
waxaanay xukuumadda somaliland masuulkan ku hadlayay afka shirkadda telesom ku eedaysay amar diido cad oo dawladeed maadaama oo uu ka horyimi go’aankii xukuumaddu soo saartay maalintii shalay
Berberatoday.com