|
|
Hargeysa(Berberatoday.com)-Wasiirka Wasaaradda Kalluumaysiga iyo khayraadka Badda Somaliland Cali Jaamac Faarax (Buureed), ayaa Wasaaradaha Ganacsiga Iyo Arrimaha dibadda u soo jeediyey inay ka shaqeeyaan sidii Dawladda Itoobiya ee Somaliland keenta Qaadku ay u iibsan lahayd Kalluunka Somaliland.
Wasiir Buureed oo ka soo laabtay Safar uu ku tagay Magaalada Mombasa ee Dalka Kenya, ayaa Shir-jaraa’id oo uu Shalay ku qabtay Xafiiskiisa Hargeysa wuxuu Shacabka ugu baaqay inay hoos uga eegaan oo ay ka faa’ideystaan Khayraadka baddooda ku jira.
Wasiirka oo Arrimahaa ka hadlayaana wuxuu yidhi, “Waxaan leeyahay ha laga faa’ideysto Kaluunka Baddeena ku jira, hadday tahay Ganacsato iyo Kalluumaysato, Shacabkuna indhahooda iyo Niyad-dooda ha u soo jeediyaan in waxani yahay Khayraadkoodii, oo ka Qaad kuu keenaya Kalluun sii oo kaga beddelo.”
Wasiirku wuxuu farriin u diray Wasaaradaha Arrimaha Dibadda iyo Ganacsiga, “Wasaaradaha Ganacsiga iyo Arrimaha dibadda Arrimahaa horena waanu ugala hadalnay imikana waanu ku boorinaynaa inay hawshaa ka shaqeeyaan.”ayuu yidhi.
Berberatoday.com