|
|
Hargeysa(Berberatioda\y.com)-Waxa Baraha Bulshada ku kulanto ee Internet-ka, sida Facebook ka bilaabantay Silsiladan SHIINLEYDA, taasi oo ka dhalatay meerisyo kooban uu abwaan Sidiiq Maxamed Burmad kaga hadlayay shirarka jaraa’id ee sida ujeeddo la’aanta maalin walba loogu qabto Magaalooyinka Somaliland.
Waxayse taxane maansooyin Silsilad ah isku beddeshay markii Abwaan Xasan Saleebaan Dhuxul (Laab-saalax) uu kaga jawaabay maansada ugu horaysa maansooyinka halkan aanu ku soo ururinay.
Maansada Laab-saalax waxay abuurtay in Abwaano badan iyo dhalinyaro jecel inay wax abuuraanba kasoo jawaabaan.
Sidaasi darteed, Akhristayaal waxaanu Cadadkii Shalay idiinku soo gudbinay Maansooyinkii ay Silsiladdan kaga qayb-galeen Saddexda Abwaan ee kala ah Axmed Cismaan Batuun, Abwaan Xasan Saleebaan Dhuxul (Laab-saalax) iyo Abwaan Sidiiq Maxamed Burmad, Cadadkana waxaanu idiinku soo gudbinaynaa qaar ka kale oo ka mid ah Maansooyinka ay Silsiladdan Dalkeenna Xaaladdiisa ka hadlaysa ay kaga qayb-qaateen Abwaannada kale.
Abwaan Axmed Fartaag, ayaa Silsiladda Shiinleyda ah kaga qayb-qaatay Maanso uu ku bilaabay sidan:-
Sheekha lacagta qaatee
Shib ka yidhi xaqiiyee
Shilmaad ku doorsaday
Inuu diinta sheeguu
Shakaal dawlad lagu xidho
Shacabkana wanaag faro
Sharka iyo dhibaatada
Dadka shoolad uga digo
Xasanow Ku shubashadu
Sharaftii Abwaanada
Qaar bay shalaadkii
Kaba shuuri tidhi-yoo
Runta uga shakaalmee
Saw siyaasi sheekada
Shaxda ruuxa lagu dago
Kubad shabaqa muu dhigin
Waxa shiinka keenaa
Bal in loo sharaxo iyo
Dadku shaafi sugayee
Shaqalkiyo u jeeddada
Shibanaha bal noo sheeg
…………………………………
Abwaan Cabdi Wali Saxardiid, ayaa isaguna Maansada uu kaga qayb-qaatay Silsiliddan ku bilaabay sidan:-
Shar la’aan mid nabadiyo
Dalka weli shil kama dhicin
Shifo caafimaad iyo
Shukri mahad ah weeyaan
Shicirka iyo maansada
Ragga shaqalka erayada
Shibanaha ka yeedhshow
Shadka alifka diidiyo
Waxa keenay shaashada
Shicibkaa horseed ka ah
Shilalkay is geeyeen
Ayaa lagu shukulayaa
Iyagaa shalaaftiyo
Isu gooya shirixyada
Iyagaa shirqoolkiyo
Isku xidhaya shookiga
Shar la’aan mid nabadiyo
Dalka weli shil kama dhicin
Shifo caafimaad iyo
Shukri mahad ah weeyaan
Shicirka iyo maansada
Ragga shaqalka erayada
Shibanaha ka yeedhshow
Shadka alifka diidiyo
Waxa keenay shaashada
Shicibkaa horseed ka ah
Shilalkay is geeyeen
Ayaa lagu shukulayaa
Iyagaa shalaaftiyo
Isu gooya shirixyada
Iyagaa shirqoolkiyo
Isku xidhaya shookiga
Iyagaa shacaabkiyo
Iska tuura shalawyda
Iyagaa shilka dhaca
Isku aadsha shiishkoo
Nacab sheela duxa wadan
Dhiigood u shubayoo
Iyagaa shax guurkiyo
Isu keena sharaf dhaca
Shuushkiyo warwerkiyo
Shaabuuga lala dhacay
Dib inay u shawraan
Ugu sheega gabayada
Iyagaa shacaabkiyo
Iska tuura shalawyada
Iyagaa shilka dhaca
Isku aadsha shiishkoo
Nacab sheela duxa wadan
Dhiigood u shubayoo
Iyagaa shax guurkiyo
Isu keena sharaf dhaca
Shuushkiyo warwerkiyo
Shaabuuga lala dhacay
Dib inay u shawraan
Ugu sheega gabayada
…………………………….
Abwaanad Layla Sagal Cali oo iyaduna ka qayb-qaadatay Silsiladdan lagu naaqishayo Xaaladda Somaliland, ayaa soo tirisay Maanso ku bilaabantay sidan:-
Niman kiinan showree
Sheekaysanaayoow
Duni shaama reertaad
Shawakhaad la joogtaan
Shax nimaan aqoon oon
Kala shubin aduunkoon
Shacabkana jihaynayn
Miyuu shaahba helayaa
Waxa loo shushubayaa
Lagu kala shaqaystaa
Shuqul gaara weeyoo
Inbaa sheer wadaagtoo
Dabka shidi taqaanoo
Dalka shoolad baa taal
Lagu shiilo maatida
Hilbohooda shuukhana
Shilimaad la dhaafsado
Hal-abuur shantiiniyo
Shankalaa fayow oon
Wali shuuxu gaadhine
Taxliil sida sharaabkii
Intaan lagugu soo shubin
Shaashadaha istaagoo
Shiishkiina meel dheer
Ku shakaala weedhoo
Hiilka shacabka soo gala
Baaqaa shirwaynee
Laabsaalax sheegee
Batuun shaacinaayee
Burmad shamac u daaruu
Shocaacii ka qaadiyo
Curinteda shiin-lay
Yaan la iska sheeline
Cida shaadh cadaanniyo
Huwan sharaf dadkiisiyo
Shaadh madoow kuwii xidhan
Haka eegin sheedoo
Runta shaal ha saarine
Golayaal ka sheegoo
Shaaracyada balsoo tuba
Shaandho aan u qaadnoo
Ha wareego shuushkuye”
………………………………..
La soco Qaybo kale oo Xiiso badan.
Himilomedia.com
Hargeysa-Somaliland