|
|
Berbera(Berberatoday.com)-Ciidamada Booliska Berbera ayaa xabsiga utaxaabay wariye Khadar Cabdirisaaq Saleebaan(Khadar Hanad)oo katirsan Wariyayaasha Shabakada Wararka ee Hadhwanaagnews,
Wariyahan oo maalmihii udanbeeyay Berbera ujoogay hawlo shaqo ayaa maanta la kulmay mudaharaadkii ay dhigayeren shaqaale weynaha Dekeda Berbera ee ay kaga soo horjeedeen shirkada Maamulka iyo Macaashaka Dekeda Berbera ay xukumada Madaxweyne Siilanyo ka kireysay.
wariyahan ayaa markii uu la kulmay shaqaalaha Dekeda oo mudaharaad Salmiya oo ay shirkadaas kaga soo horjeedaa dhigaya ka qaatay sawiro iyo muuqaalo iyaga oo shaqaaluhu soco0d ku maraaya Laamiga Dekeda Berbera kasoo baxa ee Magaalada gala.
Ciidamada Booliska ayaa rasaas ku kala eryay shaqaalihii mudaharaadaayay sidoo kale waxa ay qabqabteen qaar kamida shaqaalihii mudaharaadayaay iyo wariye Khadar Cabdirisaaq saleebaan(Khadar Hanad)iyaga oo islamarkiiba xabsiga utaxaabay’
Wariyaha ayay Ciidamada boolisku bar tilmaameedsadeen iyaga oo kamaradii iyo qalabkii uu sitayna ka qaadeen kana burburiyay iyaga oo nabaro jugo ahna Wariyaha Gaadhsiiyay.
ilaa hadana lama garanayo saldhiga uu wariyuhu ku xidhanyahay.
Ciidamada Booliska Berbera ayaa hadiyo Jeer marka ay mudaharaadada iyo rabshaduhu dhacaan Bartilmaameedsada Wariyayaasha Madax banaan ee dhacdooyinka Muuqaalada iyo sawirada ka qaadanaya waana dabeecad ay ciidamada Booliska Berbera caan ku yihiin oo ay kaga duwan yihiin Ciidamada booliska ee Dalka Intiisa kale.
Shabakada Berberatoday.com Kala soco Wixii warar ah ee Kasoo Kordha Xadhiga Wariyaha iyo Mudaharaadka ay shaqaalaha Dekedu sameeyeen.
Berberatoday.com