|
|
Hargeysa(Berberatoday.com)-Korneyl Muuse Biixi Cabdi oo ah Gudoomiyaha Xisbil Xaakimka Kulmiye ahna Musharaxa Madaxweynaha Xisbiga Kulmiye oo habeenkii xalay ahaa Madaxtooyada Hargaysa kaga qeyb galay shir lagaga hadlaayay cabashada iyo shaqo joojinta ay sameeyeen shaqaale weynaha Dekeda Berbera ayaa mar uu shirkaas ka hadlaayay ku dhawaaqay in aan cabashada shaqaalaha loo joojinin ee mihiimada koowaad la siiyo shirkada Dp World shaqaalaha cabanaya ee shaqo joojinta sameeyayna gabi ahaanba shaqada laga wada eryo oo inta ciidan xoog ah Dekeda la galiyo laga soo dareeriyaa Dekeda dhamaantood.
Waxaana hadalkan kasoo yeedhay Korneyl Muuse Biixi Cabdi uxaqiijiyay shabakada Wararka Berberatoday.com mid kamida dadkii shirkaas fadhiyay oo kasoo jeeda Degmada Axmed Dhagax oo ka gaabsaday in magaciisa la xuso oo nala soo xidhiidha kadib markii uu u adkaysan waayay dhawaaqa cadaawada ah ee kasoo yeedhay Kormeyl Muuse Biix Cabdi oo ah nin Madaxtinimo iyo hogaamin dalka iyo dadkiisaba ka doonaaya.
Hadalka kasoo yeedhay Korneylka Madaxweynenimada ka doonaaya ayaa waxa uu keeni karaa in guud ahaan shacab weynaha Gobolka Saaxil cududooda Taageero kun shubaan Xisbiga Mucaaradka ah ee waddani.
Hadalkan Cadaawadu ka muuqato ee kasoo yeedhay Korneyl Muuse Biixi Cabdi ayaa kusoo beegmaya hadalo hore aflagaado iyo meel kadhac ubadan oo uu kusooganay Bulshada ku dhaqan Gobolka Saaxil kuwaas oo ay kamid ahaayeen in Berbera dadka bada yimaada Kabaha iyo maryaha ay reer Berbera ka xadaan iyo sidoo kale inaan magaalada berbera cid sheegan karine ay kibrayaa Bulshada reer Saaxil.
Berberatoday.com