|
|
Berbera(Berberatoday.com)-Madaxweynaha Somaliland Axmed Maxamed Maxamud (Siilanyo) habeenkii xalay Berbera uhoyday kadib markii Laga soo caydhiyay Deegaamada Sahaminta shiidaal Baadhista laga wado ee Bariga Iyo Galbeedka Gobolka Togdheer ayaa saaka Jarmaaday kaga Baxay Berbera isaga oo kusii jeeda dhinaca caasimada Somaliland ee Hargaysa Kadib markii habeenkii xalay saacadihii danbe la bedelay qorshe Madaxtooyada udagsanaa oo ahaa in Wafti ka imanaayay dalka isutaga Imiraatkla Carabta oo wasiirka Duulista Hawada Dalkaasi Saif Mohammed Al Suwaidi hogaaminaayay Madaxweynuhu Garoonka Diyaaradaha Berbera Ku Qaabili lahaa hase yeeshee Qorshahaas la bedelay ee Waftigaas ayay Madaxtooyadu ku wargalisay in xaalad soo korodhay awgeed Dib loo dhigayo Wakhtiga ay imanayaana gadaal laga soo sheegi Doono waa sida ay sheegayaa warar xogogaal ah oo aanu Aqalka Madaxtooyada Berbera aanu ka helay.
Sababta Qorshaha waftiga Imiraatka carabta dib loogu dhigay ayaa lala xidhiidhiyay Shaqaalaha Dekeda Berbera gaar ahaan kuwa Muruqmaalka ee loo yaqaano Stevadronska oo habeenkii xalay Kulan ay Madaxtooyada kula yeesheen wasiirada Madaxtooyada, Maaliyada iyo Labada wasiir Kuxigeen ee Xanaanada Xoolaha Iyo Maaliyada dalbaday in lasiiyo Lacago kaga Maqan gacanta Xukumada oo boqolaal kun oo dollar ah kuwaas hore Xukumadu uga goosan jirtay iyada oo lagu qancin jiray in dalka dib udhiskiisa lagu Samayn doono hase yeeshee dhawaan markii Xukumadu Dekeda ka Kiraysay shirkada DP World ay shaqaalahani Ku doodeen in Lacagtaas ilaa markii jarideeda la bilaabay ilaa maanta la siiyo maadama oo Dekedii shirkad Ajinabiya Macaash doona L:aga kireeyay,
dhawaan kulan madaxtooyada Hargaysa ku dhexmaray Madaxda shaqaalaha Muruqmaalka Stevadronska iyo Xukumada ayaa balan qaaday in bishan sii dhamaanaysa 23keeda la siin doono lacagahaas ka maqan sida caadiga ahna ay uqaadan doona lacagtooda oo dhamaystiran wixii danbe hase yeeshee balankaas ayaan ilaa hada hirgalin oo shaqaalahani baafinayaan lacagtoodii.
kulanka xalay ayay shaqaalaha Muruqmaalka Stevadoransku dalbadeen in balankii loo oofiyo lacagtoodiina la siiyo lacago kaloo khasnada shirkada Dahabshiil kaga xaniban oo shirkada DP World ka haysata si bilaa shuruud ah oo dag dag ah loo siiyo hadii kale aanay shaqada sii wadayn ee ay Mudaharaad Salmiya iyo shaqo joojin samayn doonaan waxaanay sheegayaan wararka aanu kulankaas Madaxda shaqaalaha Muruqmaalka Stevadronska iyo Madaxtooyada dhexmaray in lagu kala kacay oo aan wax heshiis ah oo meel mari kasoo bixin Madaxda shaqaalaha Muruqmaalkuna iyaga oo hanjabaaya kasoo baxeen.
Hadalkaas kasoo yeedhay shaqaalaaha Stevadronska ee muruqmaalka ah ayaa kala kiciyay kulankii waftiga dawlada Isutaga imiraatka ka imanaayay iyo qorshayaashii Madaxtooyadu ku qaabili lahayd waftigaas iyada oo laga maagay in mudaharaad iyo rabshado ay sameeyaan shaqaalaha Lacagta ka maqan ku doodaya iyo shacabka reer Berbera oo aan ubogin talaabooyinka Xukumada Madaxweyne Siilanyo sida gaarka ah ugu hayso Gobolkan Saaxil iyo Umada ilaahay ku abuuray waxaanay taasi keentay in Madaxweyne Siilanyo iyo waftigiisii saaka kalahaad jarmaade ah ay kaga boqoolaan Berbera iyaga oo kusii jeeda Magaalada Caasimada ah ee Hargeysa.
mana Jiro war Rasmiya oo kasoo Baxay dhacdadan kala kaca keentay ee ulabaysay Madaxweyne Siilanyo dhacadadii uu kala soo kulmay Bulshooyinka ku kala dhaqan bariga iyo Galbeedka Gobolka Togdheer ee ku hanajabay in aan deegaamadooda sahamin shiidaal baadhis laga samaynayn ilaa dadka ilaahay deegaamadaas ku beeray lagala tashado.
Shaqaalaha Stevadronska ee lacagaha kamaqan ku doodaya ayaan ilaa hada la garanayn talaabada tan xigta ee ay qaadi doonaan iyada oo balankii hore loola galayna Xukumadu kaga Baxday wax ka fulayna aanu jirin.
Berberatoday.com